ايه نعم... زبااااااااله! وانتوا بكرامة
من كثر ما انا مقهور راح اكتب باللهجة العامة
ذاك اليوم لسوء الحظ اضطريت اروح المطار صوب الخطوط الكويتية علشان اخلص جوازات زوار يابانيين. كانو ناطرين بقاعة التشريفات و انا رحت اطلع لهم التذاكر
كان المطار مزحوم كأنه يوزعون تذاكر إبلاش
كالمتوقع... كان في شي خربان بالمطار. سير الجناط للكويتية كان خربان و على قولة الفني "ما يستحمل جناط وايد لانه قديم" كفوا والله
المهم... انا كنت في جانب درجة رجال الاعمال و الاولى ولكن استغربت من كثرة الأشخاص من جنسية معينة معروفة ان دخلها محدود
الي صج مستغرب منه كيف كانت معاملة موظف كاونتر التذاكر للجميع و بالذات ذيك الجنسية... إسلوبه كان مزعج و صارخ و وقح
إلي ماني قادر افهمه... وين تدريب خدمة العملاء؟ وين الإحترام؟ يا معؤد مو لازم شي بس على الاقل وين الأخلاق؟
لا و فوق هذا كله طلع الي جدامي سياحية تذكرته و كان واقف ويانا بالغلط... شوفوا لسان الموظف!!! لا و اخر شي يقوله "روح هناك يلا!و اسحب وياك ذيك العربانه" من صجه هذا؟
انزين صج انه هالمسافر مو درجة بزنس ولا الاولى بس هم عميل الخطوط الكويتية و شاري تذكرة بفلوسه مو بمهياوه
بالنهاية انا ماقدر ألوم الموظف... ماكو تعليم ولا راتبه مرتبط بالخدمة و الطيران هذا خلاص ما منه فايدة... طيارات مثل الناس ماكو, خدمة ماكو, تفنيش كامو... ماكو بماكو
-----
بالنهاية انا عندي طلب واحد
-----
انا ماحب ان اكون غير وطني فأرجوا يغيرون الاسم من الخطوط الجوية الكويتية إلى اي شي بس بدون إرتباط بدولتنا العزيزةبالنهاية انا عندي طلب واحد
-----
بسنا تشويه بالكويت... حراااااااام
سموها "الخطوط الجوية الزبالة" بهالإسم محد راح يتوقع خدمه زينه من الخطوط والكل سعيد
:)
11 comments:
Eeeh wallah SIDJ, bus a7la shay el LOGO elyedeed ...khosh LOGO lol
:)
مع توفر مليون خطوط جوية أخرى
يقع اللوم على المسافر الحمار اللي يسافر عالكويتية
خلك من المعاملة , ما يقرون أخبار الطيارات ؟ اللي تايرها ما ينزل و اللي الاوكسجين نازل بالغلط و الكراسي خربانة
bodyguard: ma6goog is an artist in logos, if he designed one it will look better.
----
ma6goog:
yes but sometimes the timing of the flight you need to take kuwait airways...
هيهيييي و يتطنزون على الي يسافر على طيران الجزيرة, عالاقل لما تسافر عالجزيرة تحس انك راكب طيارة, تحس بامان تحس انك طاير , بس طيارات الخطوط تركبها جنك راكب هوندا 1982 مهردقة وبراغيها برا. وفوق كل هذا لا معامالة مثل الناس ولا اسلوب ولا شي . نفس ما قال مطقوق العتب عالحمار الغبي الي يسافر عليها. لا والله سلام الله على طيران الجزيرة او الوطنية. تحس انك راكب قطار ومرات تحس ان في احتمال اتدش بالشبة بس متطمن. اشكر الاخ ماوكلي عالموضوع الحلو هذا واقولة هدي من روعك شكل هالموضوع منرفزك وايد
Google translate didn't do a good job... :(
shoufo el wataniya ya
jama3a..khosh tayarat wo mako gherek bilmatar.... inta wo gnatek bus :)
Nice logo.
nxt time try MEA
Nice logo.
nxt time try MEA
سيتم رفع دعوى قضائيه بالسب والقذف من قبل المؤسسة ضد صاحب هذا الموقع و أوراق القضيه ستقدم للقضاء للبت فيها خلال ثلاث أسابيع
looooooooool
Mowgli, I will comment not on your post as much as Anonymous comments, when on earth we are going to accept other opinions or criticism. Oh yeah! before I forget, a person who wants to sue others doesn’t tell them…..they just do it. On the other hand if they really took this case to court then they need to be prepared for other people to publish their bad experience with KAC, from my side I would cancel a trip if I had to fly with Kuwait Airways.
Post a Comment